Fréttir

Síðasta vor skrifuðu Eykt ehf. og Bjarg íbúðafélag hses. undir samning um byggingu á 83 íbúðum við Urðarbrunn í Úlfarsárdal. Verkefnið samanstendur af tveimur húsum, þremur stigagöngum, annað húsið með 47 íbúðir og hitt 36 íbúðir. Húsin eru hönnuð í sama stíl og eru fjórar hæðir ásamt því að vera að hluta til með kjallara. Samtals eru húsin 7027m2 að flatarmáli.

 

Verkefnið er á áætlun og stendur til að afhenda fyrsta áfanga fullkláraðan í lok ágúst 2019 og eru fullnaðarverklok í lok febrúar 2020.

Hafnarfjarðarbær og Eykt skrifuðu undir samning um hönnun og byggingu á nýjum skóla í Skarðshlíð.

Skólinn samanstendur af húsnæði fyrir tvo hliðstæða grunnskóla sem eru um 6.800 fermetrar, tónlistarskóla sem er um 480 fermetrar, leikskóla sem er um 760 fermetrar, og íþróttahús sem er um 870 fermetrar, samtals um 8.910 fermetrar.

Framkvæmdir byrja í ágúst og mun uppbygging eiga sér stað í þremur áföngum. Fullnaðarverklok eru 15. júní 2020. 

Uppsteypu er lokið og verið er að vinna við innanhússfrágang á fullu. Á sjöundu, áttundu og níundu hæð er verið að setja upp milliveggi. Tugir iðnaðarmanna eru að störfum við málningarvinnu og frágang raf-, píp-og loftræsilagna. Vinna við utanhússklæðningu er langt komin.

Tengibygging

Stefnt er að byrja á tengibyggingu á milli H1 og H2 um mánaðarmótin júní/júlí en innangengt er frá bílakjallara Höfðatorgs í tengibygginguna og bætir byggingin jafnframt mjög innri tengingar milli eldri bygginga á svæðinu.

Á annað hundrað iðnaðarmanna eru að störfum við 12 hæða íbúðaturn og 9 hæða skrifstofu og þjónustuhúsnæði.

Framkvæmdir ganga samkvæmt áætlun og eru komnar á fullt skrið. Um hundrað og fimmtíu manns vinna við byggingarnar um þessar mundir. Ráðgert er að sá fjöldi muni aukast þegar líður á verkin.

Íbúðaturn við Bríetartún verður sá fyrsti á Íslandi sem er búinn vatnsúðakerfi ( sprinkler). 

Fyrstu íbúðir á Skógarveg hafa verið afhentar nýjum eigendum. Vinna við lokafrágang lóðar og sameignar stendur yfir. Byggingin verður fullbúin í byrjun desember.

Uppsteypa við Vefarastræti er að ljúka um áramót. Vinna við gluggaísetningu og klæðningar er að hefjast.